Ndihmojmë qytetarët që në mënyrë më të lehtë t’i realizojnë të drejtat dhe liritë e tyre, administrata publike mirëfilli t’u shërbejë atyre, si dhe të avancohet raporti ndërmjet organeve të pushtetit dhe qytetarëve.

si dhe në parimet tona:

Në mënyrë transparente, të ndershme dhe profesionale i ndjekim dhe mbikëqyrim veprimet e organeve të pushtetit.
Të barabartë në relacion me të gjithë.
Profesionistë në punë, të hapur për sugjerime dhe të gatshëm për përsosje të vazhdueshme.

Lajme dhe Ngjarje

  • 25-09-2019

    AVOKATI I POPULLIT – MEKANIZMI PARANDALUES NACIONAL MIKPRITËS I TAKIMIT TË DYTË...

    më shumë
  • 12-08-2019

    KOMUNIKATË E AVOKATIT TË POPULLIT NË LIDHJE ME NGJARJET E FUNDIT ME DJEGIEN E...

    më shumë
  • 26-06-2019

    U PREZANTUA RAPORTI VJETOR I AVOKATIT TË POPULLIT MEKANIZMIT PARANDALUES...

    më shumë
  • Arkivi

Levdata dhe ankesa

E - INFORMATORI



Aktivitetet

PUNËTORIA ME TEMË: “MIGRANTËT ILEGALË DHE AZILKËRKUESIT-GJENDJA DHE SFIDAT” 26-06-2015

26.06.2015, Shkup

PUNËTORIA ME TEMË: “MIGRANTËT ILEGALË DHE AZILKËRKUESIT-GJENDJA DHE SFIDAT”

“Migrantët ilegalë dhe azilkërkuesit-gjendja dhe sfidat” ishte tema e Punëtorisë e cila iu përkushtua 26 Qershorit – Ditës së Viktimave të Torturës që u mbajt në Info-Qendrën e BE-së në Shkup. Në Punëtori mori pjesë Avokati i Popullit - Mekanizëm Parandalues Nacional, Bordi i Ombudsmanit të Austrisë Ludvig Bocman – Instituti për të Drejtat e Njeriut, si dhe përfaqësues nga Ministria e Punëve të Brendshme, Ministria e Punës dhe Politikës Sociale, nga UNHCR dhe organizatat joqeveritare.

Në raportet vjetore të Mekanizmit Parandalues Nacional të vitit 2013 dhe 2014 u potencuan dobësitë dhe u dhanë rekomandime për trajtimin dhe mbrojtjen e personave me hyrje ilegale në shtet, si dhe për azilkërkuesit. Në këtë Punëtori dëshirojmë ta theksojmë rëndësinë e trajtimit human të këtyre personave, por njëkohësisht edhe ta shënojmë Ditën Ndërkombëtare për Mbështetjen e Viktimave të Torturës dhe të tregojmë se edhe këta persona kanë nevojë për kushte adekuate të vendosjes, si dhe për trajtim human” – tha në hapjen e punëtorisë Avokati i Popullit, z. Ixhet Memeti.

Për “Gjendjen dhe sfidat me migrantët ilegalë dhe azilkërkuesit në Republikën e Maqedonisë” diskutoi znj. Anica Tomshiq Stojkovska, përfaqësuese e Avokatit të Popullit – Mekanizëm Parandalues Nacional, ndërsa për “Situatën me migrantët ilegalë dhe azilkërkuesit nga aspekti i luftës kundër torturës dhe keqtrajtimit” folën z. Moric Brik dhe znj. Tifani Kritin nga Ludvig Bocman – Instituti për të Drejtat e Njeriut. Përfaqësuesit e Ministrisë së Punëve të Brendshme dhe Ministrisë për Punë dhe Politikë Sociale folën në temën: “Roli i aktiviteteve të cilat i ndërmarrin institucionet shtetërore për identifikimin, mbrojtjen, përkujdesjen dhe respektimin e të drejtave të migantëve ilegalë”.

Punëtoria u organizua në kuadër të Projektit Tuining, të titulluar: “Promovimi i kompetencave të Avokatit të Popullit dhe fuqizimi i kapaciteteve institucionale”, të cilin Avokati i Popullit e zbaton në bashkëpunim me Zyrën e Bordit të Ombudsmanit të Austrisë Ludvig Bocman – Instituti për të Drejtat e Njeriut.


Kërko

Kalendari i ngjarjeve

tetor 2019
H M M E P S D
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Sht

Anketa

A respektohen dhe sa respektohen të drejtat e personave me nevoja të veçanta në Republikën e Maqedonisë?


Blog





Vizitorë online: 1
© 2011 Avokati i Popullit i Republikes se Maqedonise