ул. "Македонија" бр.19 (зграда на ТД „Макошпед") contact@ombudsman.mk

Мени
Помагаме граѓаните на полесен начин да ги остваруваат нивните слободи и права, јавната администрација да стане вистински сервис и да се унапреди односот помеѓу органите на власта и граѓаните. Нашите принципи: Јавно, чесно и стручно ги следиме и надгледуваме постапувањата на органите на власта. Еднакви во односот со сите. Професионални во работата, отворени за сугестии и спремни за постојано надградување.

Годишни извештаи

за степенот на почитување  и заштита на човековите слободи и права

Истражувања на НП

Според спроведените истражувањата на НП

Статистика

како резултат на предметното работење

Naroden Pravobranitel

Општи информации за Народниот Правобранител

Собранието на Република Македонија, го избира и разрешува народниот правобранител. Народниот правобранител се избира за време од осум години, со право на уште еден избор.
Во извршувањето на функциите и надлежностите на народниот правобранител му помагаат заменици избрани од Собранието на Република Македонија.

Повеќе

Активности

НАРОДНИОТ ПРАВОБРАНИТЕЛ, Г. НАСЕР ЗИБЕРИ МЕЃУ СТУДЕНТИТЕ И КАДАРОТ НА ПРАВНИОТ ФАКУЛТЕТ НА УЈИЕ

20.декември.2021

Во рамките на практичните програмски цели на предметот: Управно право во организација на Проф. Др. сц. Јетон Шасивари, на 20 декември 2021 година, Народниот Правобранител на РСМ, г. Насер Зибери, пред студентите по право од сите студиски години во Кампусот на УЈИЕ во Скопје, одржа практично предавање на тема: „Практичните аспекти на функционирањето на Народниот Правобранител на РСМ“, фокусирајќи се на правната рамка на организацијата и практичното функционирање на оваа уставна институција многу важна за заштитата на слободите и правата на човекот и граѓанинот во нашата држава.

повеќе

КОНФЕРЕНЦИЈА НА НАРОДНИОТ ПРАВОБРАНИТЕЛ ПО ПОВОД 10.ДЕКЕМВРИ - МЕЃУНАРОДНИОТ ДЕН НА ЧОВЕКОВИТЕ ПРАВА

10.декември.2021

По повод 10. декември, Меѓународниот ден на човековите права, Канцеларијата на Народниот правобранител преку платформата Зум организираше конференција со наслов „10. ДЕКЕМВРИ, МЕЃУНАРОДНИОТ ДЕН НА ЧОВЕКОВИТЕ ПРАВА - ДЕНОТ НА СИТЕ ГРАЃАНИ“, на која за значењето на човековите права и потребата од нивно почитување со свои излагања се обратија, народниот правобранител, г. Насер Зибери, вршителот на должноста амбасадор на Соединетите Американски Држави во Република Северна Македонија, Н.Е. Ерик Мејер, судијата на Врховниот суд, г-ѓа Мирјана Лазарова - Трајковска, професорите, д-р Светомир Шкариќ, д-р Ана Павловска-Данева, д-р Беса Арифи, д-р Јасмина Димириевска и д-р Јусиф Зејнели. Во во рамките на Конференцијата, исто така, се вклучија и главниот и одговорен уредник на неделникот „Фокус“, г-ѓа Гордана Дувњак, студенти од повеќе Универзитети во државата и претставник на дебатниот клуб на Младинскиот образовен форум.

повеќе

СО ПОТПИШУВАЊЕ НА МЕМОРАНДУМ ЗА СОРАБОТКА СО НЕВЛАДИНИТЕ ОРГАНИЗАЦИИ ОДБЕЛЕЖАН МЕЃУНАРОДНИОТ ДЕН НА ЛИЦАТА СО ПОПРЕЧЕНОСТ

03.декември.2021

„Донесувањето на Конвенцијата за правата на лицата со попреченост во 2006, а особено нејзината ратификација од страна на нашата држава Република Северна Македонија во 2011 година, претставува значаен чекор за препознавање на правата и потребите на лицата со попреченост, а особено за признавањето на обврските на државата за гарантирање на непреченото уживање на овие права.

повеќе

ДЕБАТА ВО ПРЕСРЕТ НА СВЕТСКИОТ ДЕН НА ДЕТЕТО

18.ноември.2021

Во пресрет на Светскиот ден на детето 20. ноември, Народниот правобрантиел-Одделението за следење на состојбите и заштита на правата на децата, како и на лицата со попреченост, на 17. и 18. ноември организираше онлајн дебата со ученици/ученички омбудсмани, претседатели на ученички параламенти и нивни членови од повеќе основни и средни училишта во државата.

повеќе

Меѓународни активности

НАРОДНИОТ ПРАВОБРАНИТЕЛ Г.НАСЕР ЗИБЕРИ УЧЕСТВУВАШЕ НА ЧЕТВРТАТА СРЕДБА НА ОМБУДСМАНИТЕ НА КОСОВО, АЛБАНИЈА И РЕПУБЛИКА СЕВЕРНА МАКЕДОНИЈА

01.декември.2021

„Ситуацијата со пандемијата посебно мерките кои ги носат Владите, а кои се однесуваат на вакцинацијата на граѓаните, и нивната корелација со човековите слободи и права, независноста на институциите за човекови права, соработката со Парламентите, како и со граѓанските организации“, беа главните теми на четвртиот состанок на омбудсманите на Република Северна Македонија, г. Насер Зибери, на Република Косово, г. Наим Ќелај и на Република Албанија, г-ѓа Еринда Баланца, која се одржа на 1.и 2. декември во Приштина.

повеќе

УЧЕСТВО НА ПРЕТСТАВНИК НА НАРОДЕН ПРАВОБРАНИТЕЛ НА 11-ТИОТ СОСТАНОК НА АСОЦИЈАЦИЈАТА НА ОМБУДСМАНИ НА МЕДИТЕРАНОТ

04.октомври.2021

Претставникот на Народниот правобранител на Република Северна Македонија, државен советник Славица Димитриевска, учествуваше на 11-тиот состанок на Асоцијацијата на Омбудсмани на Медитеранот што оваа година, после една година одложување заради пандемијата со Ковид-19, се одржа на 4 и 5 октомври во Нафплио, Република Грција.

повеќе

УЧЕСТВО НА ПРЕТСТАВНИК НА НАРОДНИОТ ПРАВОБРАНИТЕЛ НА МЕЃУНАРОДНА КОНФЕРЕНЦИЈА ВО ОРГАНИЗАЦИЈА НА ВИСОКИОТ КОМЕСАР ЗА ЧОВЕКОВИ ПРАВА НА РУСКАТА ФЕДЕРАЦИЈА

17.декември.2019

Претставник на Народниот правобранител учествуваше на годишната меѓународна конференција во организација на Високиот комесар за човекови права на Руската Федерација, што се одржа во Москва на 17 декември.

повеќе

УЧЕСТВО НА ПРЕТСТАВНИК НА НАРОДНИОТ ПРАВОБРАНИТЕЛ НА КОНФЕРЕНЦИЈА „ВЕНЕЦИСКИ ПРИНЦИПИ ЗА ЗАЦВРСТУВАЊЕ НА ИНСТИТУЦИЈАТА НАРОДЕН ПРАВОБРАНИТЕЛ“

10.декември.2019

Претставник на Народниот правобранител учествуваше на Конференција во организација на Асоцијацијата на омбудсманите на Медитеранот (АОМ), Советот на Европа и Комесарот за администрација и заштита на човековите права на Кипар, што се одржа во Никозија.

повеќе

Почетна - Основни прашања

ШТО Е НАРОДЕН ПРАВОБРАНИТЕЛ?

Народниот правобранител, познат во светот под името Омбудсман, како нова институција во правниот систем на Република Македонија е востановен со  Уставот на Република Македонија (“Службен весник на РМ” бр. 52/91, бр. 1/92, бр. 31/98 и бр.91/01). Со Законот за народниот правобранител (“Службен весник на РМ” бр. 60/03, 114/09, 181/16, 189/16 и 35/18) уврдена е надлежноста за заштита на уставните и законските права на граѓаните кога им се повредени од органите на државната управа и од други органи и организации што имаат јавни овластувања.

Народниот правобранител е независна, самостојна, професионална и стручна институција и во извршувањето на функциите и надлежностите пред се ги почитува принципите на објективност, непристрасност, одговорност, чесност, совесност, ажурност, итност, експедитивност, партиска неприпадност, еднаквост во заштитата на правата и слободите на граѓаните без разлика на пол, боја, раса, вера и слично. 

Работите од својата надлежност Народниот правобранител ги врши врз основа и во рамките на Уставот и Законот, како и меѓународните правни акти за човековите слободи и права.

КАКО МОЖЕ ДА МИ ПОМОГНЕ?

Кога Народниот правобранител ќе констатира дека се повредени уставните и законските права на подносителот на претставката или пак се направени други неправилности може: да даде препораки, предлози, мислења и укажувања за начинот на отстранување на констатираните повреди; да предложи повторно да се спроведе определена постапка согласно со законот; да покрене иницијатива за поведување дисциплинска постапка против службено, односно одговорно лице и да поднесе барање до надлежниот јавен обвинител за покренување постапка заради утврдување казнена одговорност.

КОГА СЕ БАРА ПОМОШ ОД НАРОДНИОТ ПРАВОБРАНИТЕЛ?

Помош и интервенција од Народниот правобранител може да бара секој граѓанин на Република Македонија и странец (лично или преку свој полномошник) кога ќе оцени дека некое негово уставно и законско право му е повредено со акти или дејства на органи на државната управа и други органи и организации што имаат јавни овластувања.

Заштита на правото пред Народниот правобранител може да се бара откако претходно граѓанинот се обратил (поднел барање, молба, побарал помош, интервенција или друго дејство) до надлежниот орган или организација, а притоа тој орган или организација донел или не донел акт, презел, односно не презел соодветно дејство.

Постапката пред Народниот правобранител се иницира со поднесување претставка (поплака, жалба) која може да се достави лично во канцеларијата на Народниот правобранител, по пошта, усно на записник кај народниот правобранител, по телефакс или по електронска пошта.

Народниот правобранител може да покрене постапка и по сопствена иницијатива, но за продолжување на постапката потребна е согласност од граѓанинот кому му е повредено уставното или законското право.

Народниот правобранител интервенира кога:

  • се повредени поединечни права на граѓаните со акти или дејства на органите на државната управа и другите органи и организации што имаат јавни овластувања;

  • се дејствувало самоволно, бирократски, недолично и нехумано спрема граѓаните;

  • не се постапувало по барањата или се донело позитивно решение по барањето без законска основа;

  • се одолжува постапката по барањето;

  • не се вклучува заинтересирана странка во постапката;

  • странката се упатува од еден на друг шалтер или од еден на друг орган за работи и прибирање докази што органот може и службено да ги прибави;

  • не се спроведуваат извршните и конечните управни акти, и не се постапува по упатствата на второстепените управни и судските органи.

КАКО МОЖЕ ДА ПОДНЕСАМ ПРЕТСTAВКА?

ГРАЃАНИНОТ МОЖЕ ДА ПОДНЕСЕ ПРЕТСТАВКА:

  • писмено (лично или по пошта);

  • усно на записник во просториите на Народниот правобранител;

  • по телефон или телефакс;

  • по електронска пошта.


ЗА ДА МОЖЕ НАРОДНИОТ ПРАВОБРАНИТЕЛ ДА ПОВЕДЕ ПОСТАПКА ПРЕД НАДЛЕЖНИТЕ ОРГАНИ И ОРГАНИЗАЦИИ ПОТРЕБНО Е:

  • претставката да биде потпишана и да содржи лични податоци на подносителот (име и презиме, адреса, телефон и др);

  • да ги содржи околностите, фактите и доказите врз кои претставката се темели (решение, одлука, жалба, заклучок, уверение, потврда, мислење и слично);

  • во претставката треба да бидат наведени и органот, односно организацијата или службеното лице на кое се однесува претставката и актот (решение, заклучок, уверение и сл.) со кој е повредено неговото право и

  • да биде образложено дали и какви правни средства вложил подносителот.

Претставката треба да е разбирлива и јасна.

Народниот правобранител во постапувањето по претставката секогаш ја почитува приватноста и тајноста на податоците на подносителот на претставката и за таквата преземена активност подносителот не може и не смее да трпи штетни последици од органот кој му го повредил правото.

За поднесената претставка не се плаќа такса.

За поднесување на претставката не се бара строго определена форма, односно претставката може да биде во ракопис. Во канцеларијата на Народниот правобранител постои неформален образец за поднесување претставка.

КАКО ДА КОНТАКТИРАМ СО НАРОДНИОТ ПРАВОБРАНИТЕЛ?

Ако е потребна помош од Народниот правобранител, можете да се обратите лично во Канцеларијата на Народниот правобранител во Скопје, како и во подрачните канцеларии во Тетово, Кичево, Штип, Струмица, Куманово и Битола, по телефон, по пошта, по факс или електронски.